• Cwrs dwy flynedd sy'n arwain at y Diploma mewn Astudiaethau Prawf (DipPS). Mae'r cymhwyster hwn yn cyfuno'r BA mewn Cyfiawnder Troseddol a ddyfernir gan Brifysgol Hallam Sheffield a Chymhwyster Galwedigaethol Cenedlaethol (CGC) mewn Cyfiawnder Troseddol ar Lefel 4.
  
  
• Cynhelir y broses recriwtio ym mis Mawrth a mis Ebrill bob blwyddyn, ac mae'r cwrs yn dechrau yn yr hydref.
  
  
• Mae'r corff hyfforddi rhanbarthol, Consortiwm Cymru, yn goruchwylio'r broses recriwtio a dethol. Mae ganddo rôl allweddol hefyd wrth reoli'r rhaglen hyfforddi gyda'r pedair Ardal Brawf yn y rhanbarth a Phrifysgol Hallam Sheffield.
  
  
• Cyflogir Swyddogion Prawf dan Hyfforddiant yn uniongyrchol gan yr Ardal Brawf y maent yn gwneud cais iddi.
  
  
• Telir ystod cyflog o £14,095 - £14,518 pan fydd pobl yn cael hyfforddiant.
  
  
• Caiff Swyddogion Prawf dan Hyfforddiant a benodir i Ardal Brawf Gwent eu lleoli mewn rhannau gwahanol o'r sir yn ystod yr hyfforddiant.
  
• Ar ddechrau'r cwrs, dyrennir Aseswr Datblygu Arfer (PDA) i bob Hyfforddai sy'n rhoi cymorth personol a phroffesiynol parhaus.
  
  
• Mae pob un o'r hyfforddeion yn mynychu Coleg Prifysgol Cymru, Casnewydd (UCWN) ar gyfer blociau astudio fel rhan o'u hastudiaethau.
  
  
• Mae'n rhaid i Swyddogion Prawf o dan Hyfforddiant fod yn 20 oed neu drosodd ar ddechrau'r hyfforddiant.

Caiff yr ymgeiswyr eu barnu yn ôl eu galluoedd o ran:

• gwaith tîm a chysylltu ag eraill
• gwybodaeth a dealltwriaeth am waith grw p a gwaith unigol
• cyfathrebu
• cynllunio a threfnu
• sgiliau hunan-reoli
• cymhelliant ac ymrwymiad
• bod yn agored i syniadau newydd
• sgiliau datrys problemau (dadansoddi)
• ymrwymiad i werthoedd craidd y staff prawf

Mae pecynnau cais ar gael yn ystod mis Mawrth a mis Ebrill. Os bydd angen pecyn arnoch cysylltwch â:

Consortiwm Cymru
Ty Tremains
Heol Tremains
Pen y Bont ar Ogwr
CF31 1TZ

E-bost: Consortiwm Cymru
Gwe: www.probation.walestraining.gov.uk